{ LIFESTYLE }
05 May 2021
陳柏宇老婆符曉薇第二胎患罕見愛德華氏症
忍痛終止懷孕:唔會再有呢個信心懷孕

歌手陳柏宇的太太符曉薇(leanne)今日在官方頻道就分享一條短片,講述自己在今年新年期間發現懷第二胎,很可惜在產檢期間得知BB患有罕見愛德華氏症,決定忍痛終止懷孕。






leanne透露產檢時醫生就向她解釋BB是仔仔,但有機會是有缺陷,「醫生說有可能是唐氏綜合症或者心臟有問題)最近醫生就建議做抽血檢查,一星期後才得到報告,「我當時同老公提到如果真的是唐氏綜合症都無所謂,因為我地覺得有能力可以照顧他,始終他是我們的小朋友。」直到最後醫生告知她,胎中的BB是患有罕見愛德華氏症,在全球是5000:1的機率。




她當時知道後晴天霹靂,醫生就告訴她有機會翻盤,但可以轉介她另一個醫生再了解更多BB的結構,「當時醫生照完照之前同我講有機會判錯,但照完之後好記得佢同我講唔好意思。」醫生表示BB有太多問題,「首先腦部無分開,無鼻骨等等,佢話都無機會。」所以她決定要做終止懷孕手術。Leanne之後就表示拍攝這條短片時,BB依然在肚內,因為原本她很希望可以一路攝見證BB的成長,亦很想拍攝一套孕肚照,所以就與老公同女兒一同拍攝照片去留念。







Leanne在短片尾聲亦講到了自己無信心再去懷孕,希望大家睇完短片後不要追問她幾時生第二胎,「我有Abi一個夠,好彩有佢,如果無Abi係度,心情可能會去到好差。但係我而家好ok。」之後她反覆再想自己無做壞事,為什麼會發生這些事在她身上,「會唔會係因為大家都唔知呢個病係咩,而我又係做幕前,所以神要我俾挑戰我。但諗完一輪覺得係緣份嘅問題,我地無同BB有緣份,我地比好多人好幸福,第一次未必有,但我地好順利有abi,我已經好足夠,唔好咁貪心,一個就夠。」






News
Feature
Blog
Load more
 
NOTIFICATION